杜宇航晒胸贏陳嘉桓

憑《葉問前傳》打出人氣的「武打雙星」杜宇航 和陳嘉桓，早前拍住上接拍金至尊珠寶廣告搵真銀，並找來大師級設計師何國鉦打造新形象。杜宇航除穿西裝外，更大騷43吋胸肌，他直言為騷最靚線條，拍照前 要做一百下掌上壓「谷行啲」。

而陳嘉桓以清純少女造型亮相，她笑言不擔心被師兄搶鏡：「師兄咁Fit，梗係要騷吓！」 她興奮地透露酬勞三級跳：「《葉》片出街後多咗人識，拍廣告收入都多咗，依家可以畀家用屋企人。」本月8日滿18歲的她表示，會買金條獎勵自己：「聽講買 金保值，買定收埋落床下底都得。」由於生日要在橫店開工，她預算稍後才能回港補祝生日：「生日願望係做全能藝人，希望有機會做埋歌手出碟！」

半裸的杜宇航大騷43吋胸肌，Fit到爆！

陳嘉桓以清純少女Look拍廣告。