杜宇航、陳嘉桓成Jaguar瑞士表代言人

陳嘉桓貪有型學舞獅 

杜宇航和陳嘉桓結伴出席香港龍獅節記者會。杜宇航透露原本要到北京拍攝新片《辛亥革命》，但有感活動很有意義，特意推遲上機。龍獅節將於明年一月一日舉行，當日正是杜宇航生日，非常有緣。

首度接觸舞獅的陳嘉桓大表興奮：「依家好多外國遊客對我哋嘅舞獅都好有興趣，我自己學咗三年功夫都淨係學詠春，師傅叫我係時候可以學吓其他派別，所以都想學舞獅，因覺得女仔識舞獅好有型。我諗自己嘅體力都可以應付到，或者先向師兄杜宇航偷師。」

 

 

馮仁昭四圍超：杜宇航舞獅創世界紀錄

馮仁昭四圍超：杜宇航舞獅創世界紀錄

杜宇航（右）噚日同師妹陳嘉桓（左）出席「 2011年香港龍獅節」記招，杜宇航嚟緊會去北京拍新戲《辛亥革命》：「出年係辛亥革命一百周年，特登拍呢齣戲嚟紀念。我會做歷史人物熊秉坤，今次唔打功夫轉打槍。」問學過舞獅嘅杜宇航一月一號會唔會出席龍獅節？佢話：「梗係會，因為當日會有 1,111隻獅子一齊舞動，創世界紀錄，我到時會舞埋一份。」

 

 

杜宇航學功夫忤逆老竇

憑《葉問前傳》打出名堂的杜宇航是武術冠軍，自小習武、生活在男性圈子的他對感情事處之泰然，更自認悶人：「淨係同一班男仔傾偈，唔識處理感情事，但我唔強求拍拖。」他最想拍動作片，卻不想與「宇宙最強」甄子丹比較：「我唔想同甄子丹比較，當然想似佢咁出名，但唔心急，如果有好戲，我唔介意突破武打框框。」

雖然自小習武，但他卻曾為此「忤逆」爸爸：「我爸爸係畫山水畫嘅，佢想我繼承，但我冇心機，機緣巧合下學武功，我覺得自己幾特別，嗰個年代嘅細路都鍾意踢波，我就去打功夫。」

陳嘉桓難忘踏雪孭細路

陳嘉桓難忘踏雪孭細路

剛滿十八歲的陳嘉桓（Rose）早前於內地拍片，因天氣相當寒冷，令Rose差點冷病，她表示：「真係未遇過啲咁凍嘅天氣，手腳都僵晒，好彩之後都醒目，買咗長軍褸着，咁先至可以禦寒無冷病。」談到拍戲難忘事，她表示曾於冰天雪地背着小演員走路，因小演員睡着了，整個人的體重都聚於Rose背部，令她十分吃力，幸好最終不用NG。

Rose今次在內地拍新戲，遇上了兩位好戲之人，當中包括久休復出的夏文汐及內地女星黃奕，Rose笑言兩位前輩都很厲害，除了演技精湛，還對星座、掌紋命理甚有研究，令她佩服不已。

陳嘉桓孭童星行雪地頂「硬」上

曾演出《葉問前傳》小師妹一角的陳嘉桓（Rose），早前在內地拍攝新戲，因天氣十分寒冷，差點凍到病，她說：「未試過遇到啲咁凍嘅天氣，凍到手腳都硬晒！好彩之後都醒目，去買咗一啲長嘅軍褸着，咁先至冇凍親。」

談到拍戲的難忘事，Rose透露曾在冰天雪地孭着一位小演員行路，因小演員在她的背上睡着，全身的體重都聚在她的身上，大感吃力，幸好最終捱到鏡頭完成，沒有NG。

Rose今次在內地拍新戲與兩位好戲之人合作，包括久休復出的夏文汐及內地女星黃奕。她笑言兩位前輩很好人及非常叻，除演技精湛外，還對星座、掌相命理很有研究，令她相當佩服。